50 PORSIYENTONG MAS MABILIS AT PINAHUSAY NA ERGONOMICS
SALAMAT SA MODULAR AUTOMATION SOLUTION

Gamit ng instalasyon ng isang MATRIS system, na autonomous na naglo-load ng dalawang NZX 2500, hatid ng AMG Goeke ang produksiyon ng kinabukasan. Ang AMG Alu Metall Goeke GmbH & Co. KG, na itinatag noong 1980 sa Wickede / Ruhr, Germany, ay nagsimula sa surface finishing. Dinagdagan ng kompanya ang saklaw ng kanilang mga kakayahan noong 1988 sa pamamagitan ng pagsisimula ng CNC production. Pangunahing sinusuplayan ng AMG Goeke ang mga customer sa sektor ng pangkomersiyal na sasakyan, partikular sa industriya ng pagbuo ng truck. Dahil sa kanilang teknikal na kakayahan at maraming taon ng karanasan, ang kanilang team na binubuo ng 25 miyembro ay nakakagawa ng mga component na may napakataas na katumpakan at sopistikadong mga assembiy. Para sa machining, laging umaasa ang AMG Goeke sa DMG MORI. Nag-o-operate ang kompanya ng 15 modelo mula sa nangungunang manufacturer ng mga machine tool sa buong mundo, kabilang ang ilang mga CTX at NLX lathe. Ang pinakabagong investment ay isang awtomatikong manufacturing cell na binubuo ng dalawang NZX 2500 twin-turret lathe at isang MATRIS automation system para sa machining ng mga stub axle.
Parte ng pang-araw-araw na trabaho ng AMG ang mataas na demand sa produksiyon. "15 taon na kaming nagpo-produce ng mga component na pangkaligtasan para sa pagbuo ng mga truck," sabi ni Ralf Goeke, isa na may awtoridad na pumirma at responsable sa pangangasiwa sa kalidad. Idinagdag ng kapatid niyang si Andreas Goeke, isa ring second-generation na miyembro ng pamilya na pinamunuan ang kompanya simula 2003, na: "Katibayan ng aming mataas na kalidad ang matagal na naming pakikipagtulungan sa mga nangungunang manufacturer at supplier mula sa industriya."

Upang matugunan ang mataas na demand, palaging nagtatrabaho ang AMG ng tatlong shift. "Ibig sabihin nito, puwede naming i-optimize ang paggamit ng aming mga makina," paliwanag ni Ralf Goeke. Magandang halimbawa nito ang produksiyon ng mga stub axle sa pagbuo ng pangkomersiyal na sasakyan. Naka-expose ang component sa matataas na load at kasabay nito, nagsisilbing mounting para sa mga wheel bearing at brake. Sa madaling salita: dapat perpektong magawa ang bawat isang parte. "15 taon na kaming tuloy-tuloy na nagpo-produce ng mga stub axle – na kamakailan ay sa pamamagitan ng paggamit ng walong CTX 420." Dahi sa nasisiyahan sa mga maaasahang turning center, patuloy na pinipili ng AMG Goeke ang DMG MORI hanggang sa ngayon.

Bilang bahagi ng pagpapalit ng makina noong summer ng 2022, isinaalang-alang uli ng AMG Goeke ang proseso ng manufacturing. Naaalala ni Andreas Goeke: "Napagpasiyahan naming gumamit ng dalawang NZX 2500 na mga turning center. Dahil sa second turret nito, napabilis namin ang mga throughput time ng 50 porsiyento." Dinevelop ng DMG MORI ang NZX series para sa horizontal production turning. Ang mga box way sa lahat ng axes at isang thermally stable na istruktura ay tumiyak sa pagiging maaasahan at di-nagbabagong katumpakan. "Ginagawa nitong magandang solusyon ang NZX 2500 para sa mga component na komplikado at nangangailangan ng mataas na katumpakan", ang konklusyon ni Ralf Goeke.

MATRIS: MODULAR NA AUTOMATION KABILANG ANG OPTICAL MEASUREMENT

Isa pa sa mga bagong feature na nagamit ng AMG Goeke kasabay ng pagbili ng dalawang NZX 2500 ay ang awtomitikong produksiyon sa pamamagitan ng modular MATRIS system. Ginagamit ng DMG MORI ang isang manufacturing cell kung saan ang isang robot ang naglo-load at nag-a-unload ng dalawang turning center, na may hawak na magkaibang variant ng bahagi para sa kaliwang kamay at kanang kamay. Ang isang blow-off station at isang station para sa optical measurement ng mga bearing seat, isinama ang thread core at flank diameter. "Siyempre, kailangan naming idokumento nang buo ang datos na ito para sa aming mga customer," dagdag ni Andreas Goeke. "Bilang karagdagan, araw-araw chine-check sa inspection room ang mahahalagang dimension pati ang hugis at mga positional tolerance."

Ergonomic na working environment dahil sa pag-automate.

Maraming nakikitang bentaha si Ralf Goeke sa isang autonomous na produksiyon. "Ang bagay na nagagamit namin ang mga makina nang mas epektibo habang pinapataas ang produktibidad ay isa lamang sa mga benepisyo." Ang isa pa ay ang mas ergonomic na working environment: "Ang mano-manong pag-handle sa mga workpiece ay siyempre mas nakakapagod kaysa sa paglalagay ng mga Euro pallet sa MATRIS cell." Maaasahang hina-handle ng robot na may naka-attach na vision system ang forging at deposit sa mga machined component na nasa parehong lugar uli: "Ang kailangan na lang gawin ng mga empleyado namin ay regular na palitan ang mga indexable insert at palitan ang mga Euro pallet ng mga workpiece." Kinokontrol ang MATRIS system mula sa isang central control panel, na maa-access mula sa labas.

Solidong mga partnership

Masayang naaalala in Andreas Goeke ang instalasyon at unang mga buwan ng paggamit ng MATRIS automation: "In-install ng DMG MORI ang system sa loob ng tatlong buwan at gumana ang autonomous na produksiyon at tumakbo nang mas mabilis kaysa sa inaasahan. Kaya tamang-tama ang desisyon na gumamit ng automation, lalo na't in-automate na rin ng aming mga customer ang assembly ng mga stub axle," dagdag ni Ralf Goeke. "Magkasama naming ginawa ang hakbang na ito, na nagpalakas uli sa aming kooperasyon para sa hinaharap."